CAGAYAN DE ORO CITY, Philippines – (update)Misaka pa sa 17 ka tawo ang nataptan sa Monkey Pox sa Kenya. Kumpirmasyon kini ni Kenya’s Cabinet Secretary – Ministry of Health Deborah Barasa, human tolo ka pasyente ang nadugang sa ilang listahan, kagahapon.
Gi-awhag ni Dr Barasa ang tanan closed contact sa tolo ka bag-ong kaso nga musubay sa gipatumang gabayan sa ilang Health Department ug dili manago.
Gitin-aw sa kalihim nga padayon ang ilang koordinasyon sa World Health Organization aron makakuha sa dugang bakuna batok mpox.
Gawas niini, miabiso ang gobyerno sa Kenya sa strikto nga mga health protocols sa pagbiyahe, lakip na ang pagsulod sa mga pribado ug pampublikong establishemento.
Ang pakig-close contant, sama sa sexual intercourse, paggakus, paghapyod sa pamanit ug pakighalok ang padayong nag-unang tinubdan sa pagtinakdanay.
