CAGAYAN DE ORO CITY- Gipusil-patay ang bag-ong laya gikan sa bilangguan sa Purok 1 Lam-an Ozamiz City kagabii.
Giila ang biktima nga si Reynaldo Narcido, 39 anyos ug molopyo sa Purok 3 Bagakay sa maong syudad.
Gipusil ang biktima gamit ang kalibre 45 sa wala mailang suspetsado. Dali pang gidala sa ospital ang biktima apan gideklarang dead on arrival sa attending physician.
Sumala ni Karen, ka live-in sa biktima nga tulo ka adlaw sa wala pa mahitabo ang krimen may nabantayan na silang mga tawo nga naniid sa iyang kapuyo.
Giimbestigaran pa sa kapolisan ang hitabo.
