Dili angay ipanghambog sa Pilipinas ang mga kagamitang militar ug mga barko nga nadawat gikan sa South Korea, Japan, ug Amerika, matud pa ni anti-war advocate Ben Tiu Contreras.
Giklaro usab niya nga dili na magamit ang maong mga kagamitan tungod kay nausab na ang matang sa pakig-gubat karong panahona nga puro na lang mga missile ug drone.
Gipadayag usab sa maong advocate nga walay katuyoan ang maong mga hinagiban sa pagpanalipod sa atong teritoryo tungod kay wala na kini nagkinahanglan og physical involvement sa mga sundalo.
Tungod niini, nanawagan siya sa tanan nga mag-ampo nga dili magmando ang Amerika nga mopaboto og missile gikan sa atong yuta aron dili maapil ang nasud sa bisan unsang dakong gubat sa kalibutan.
