CAGAYAN DE ORO CITY, Philippines – Masaligon si Senate Majority Leader Francis ‘Tol’ Tolentino nga mas mapukaw ang kasing-kasing sa mga batan-ong magtutungha sa Kolehiyo sa paghigugma sa nasud, gamit ang bag-ong inobasyon o “new model” sa ipatuman nga Mandatory Reserve Officers’ Training Corps (ROTC).
Gihimo ni Tolentino ang pamahayag sa pagtambong sa panagtigom sa 11th Infantry Division sa Camp Teodulfo Bautista sa Jolo, Sulu.
Gitin-aw sa senador nga bisan anaa pa sa plenaryo ug kamulong gidebatihan ang Mandatory ROTC Bill, milaum kini nga mapadali ang katumanan sa maong sugyot tungod kay mismo si Presidente Ferdinand Marcos Jr., ang nagtukmod kanila nga suportahan ang programa nga mupalambo sa pangutukan, depensa ug kahanas sa mga batan-ong pinoy sa pagpanalipod sa kaaway sa estado.
