Gipahibalo sa mga information officer sa PhilHealth Northern Mindanao nga sila Merlyn Ybanez ug Pamela Orias nga pwede na makaparehistro pinaagi sa ilang opisyal nga website nga www.philhealth.gov.ph.
Dugang pa ni Merlyn Ybanez, kinahanglan lang i-fill out ang digital registration form, i-upload ang mga kinahanglanon nga dokumento sama sa birth certificate o valid ID, ug maghulat og tulo hangtod lima ka adlaw aron makuha ang PhilHealth Identification Number.
Samtang gipasabot sab ni Pamela Orias nga aduna gihapoy kapilian ang mga katawhan nga moadto sa ilang Local Health Insurance Office sa ground floor sa Limketkai Mall aron makuha dayon ang ilang PIN sa usa ka adlaw.
