Nagpasidaan ang legal expert nga si Attorney Eddie Cuaresma nga kinahanglang ibase gayud sa mga senador nga nakatambong ang pagkuwenta sa 2/3 nga boto sa impeachment trial batok kang Bise Presidente Sara Duterte.
Gipahayag sa maong kanhi presidente sa IBP Misamis Oriental ug Cagayan de Oro nga sakto lamang nga dili i-apil ang mga absent o kadtong adunay legal nga kaulangan tungod kay kinahanglang sila mismong mga mitambong ang mopili sa ilang desisyon.
Gibutyag usab ni Cuaresma nga gisuportahan sa mga kanhi Chief Justice nga sila si Puno, Panganiban, ug Davide ang maong lakang nga i-pabase sa mga mitambong nga senador ang pag-ihap.
Gipahinumdoman usab sa abogado ang tanan nga magpabilin nga kalmado ug hatagan og higayon ang Bise Presidente aron makapadayag sa iyang depensa sa pormal nga pagdungog
