Andam si Misamis Occidental Governor Henry Oaminal nga magpalit sa bag-ong mga police patrol cars, oras nga mareport nga mga karaan na ug dili na madala sa maintenance ang mga sakyanan sa kapulisan sa Misamis Occidental Police Provincial Office. Gihimo sa gobernador ang pahayag human mipadangat kinig pahisubo sa mga police officers nga namatay sa pagkadiskarel sa ilang salakyan sa kurbadang dalan sa Brgy Napangan, Don Victoriano, Misamis Occidental, kagahapon. Lakip sa direktiba sa governor ang pag-imbentaryo sa tanan patrol cars sa MOCPPO. Hisayran nga nagsilbing security convoy ang nahulog nga sakyanan sa tourism tour nga gi-organisar sa Binibining Pilipinas Organization kuyog ang kadagkuan sa Provincial Tourism Office.
