CAGAYAN DE ORO CITY – Gipasalig ni incoming PDEA Director General Wilkins Villanueva nga iyang tapuson ang kampaniya sa anti drugs war sa gobyerno sa dili pa mahuman ang termino ni Pres Rodrigo Duterte.
Gihimo sa Philippine Military Academy Maringal Class of 1988 member nga si Villanueva ang pahayag nunot na sa tahas nga gihatag kaniya ni Duterte nga panguluhan ang ahensya.
Gibutyag ni Villanueva nga siya ang motibawas sa iyang wala pa nahuman nga programa ni kanhi PDEA Director General Aaron Aquino kalabot na sa naghitak nga kaso sa ilegal nga droga sa nasud.
Samtang gihinaut ni Provincial Gov Bambi Emamo nga duyugan sa higayon ug molampos si Villanueva sa bag-ong bug-at nga tahas nga gihatag ni Pres Rodrigo Duterte batok sa ilegal nga droga sa nasud.
Miingon ang gobernador nga dili tiaw ang bag-ong tahas nga dad-on ni Villanueva aron hatagan sa katumanan ang gitinguha ni Duterte alang sa katawhan.
Una niini,gikalipay usab ni Emano ang promosyon nga nakuha ni Villanueva kinsa dugay nga panahon nag-alagad dili lamang sa PDEA-10 apan sa police profession niadtong bag-o pa kining graduwado sa PMA sa dekada 80.
