Bag-ong Presidente sa Paraguay, nanumpa na human gipailalom sa house arrest ang impeached president

Nanumpa ang bag-ong Presidente sa Paraguay nga si Pedro Alliana niadtong Biyernes, human gipailalom ang impeachment predecessor sa house arrest nga si kanhi Presidente Santiago Peña.

Aduna kini kalabotan sa pagkahagba nga digital bank sa maong nasud.

Sumala pa sa mga prosecutor kay padulong pa nilang gitino kung unsa nga mga kaso ang ipasaka batok kang Peña, apan posibleng lakip niini ang paggamit sa iyang impluwensya aron makakuha og pabor o influence peddling.

Napalagpot si Peña sa iyang pwesto usa ka oras human sa nagkahiusang boto o senate unanimous votes sa mga senador nga pabor sa impeachment, diin gikuwestiyon sa mga magbabalaod ang kalambigitan sa kanhi Presidente sa pagkahagba sa digital bank nga Ueno nga nagserbisyo sa halos katunga sa populasyon sa Paraguay.

Bisan pa sa pagtanyag ni Peña nga mokanaog sa iyang pwesto niadtong Huwebes, gipili sa senado nga ipadayon ang proseso sa impeachment, inay nga dawaton ang iyang pagluwat sa iyang katungdanan.

Tungod niini, diha-dihang nanumpa si Alliana isip puli sa kanhi presidente. (raniel mahunyag)