CAGAYAN DE ORO CITY – Prioridad sa bag-ong liderato ni Police Regional Office 10 Director Brig Gen Jaysen de Guzman ang pagsumpo sa posibleng presensiya pa sa illegal nga Philippine Offshore Gaming Operations o POGO sa hurisdiksyon sa Northern Mindanao region.
Kini ang unang bungat ni De Guzman atubangan sa local media pipila ka minutos gikan sa iyang paghulip kang retired PRO 10 Director Police Brig Gen Ricardo Layug Jr sa turn-over of command sa Camp Alagar kagahapong adlawa.
Miingon si De Guzman nga mando kini gikan ni PNP chief Gen Rommel Marbil nga maoy nagpadala kaniya sa PRO 10 aron panguluhan ang mga pulis sa rehiyon.
Siya miingon nga ipadayon niini ang mga programa nga gipatuman ni Layug ilabina ang peace and order drive operations.
Si De Guzman ang kanhi provincial director sa Misamis Occidental PNP ayha nangulo isip komandate sa Philippine National Police Academy sa Cavite ug nabalik sa PRO 10 aron acting regional director epektibo kagahapong adlawa.
Si De Guzman ang miembro sa PNPA Class of 1995 samtang si Layug sakop usab sa PNPA Class of 1993 diin sila managsama nga gikan sa Luzon provinces.
Hisayrang sentro sa mga imbestigasyon sa senado ug kamarabaha ang Cagayan de Oro City kay giingong dinhi nagpuyo ang Intsik nga si Tony Yang nga gilambigit sa illegap POGO operations ni kanhi Bamban Mayor Alice Guo sa Tarlac.
