Gikoronahan si Miss Colombia Catalina Duque Abreu isip bag-ong Miss International 2025 sa gilusad nga grand coronation night, sa Yoyogi National Stadium 2nd Gymnasium sa Tokyo, Japan.
Ang kaanyag ug kalantip sa salabutan ni Abreu maoy mitigbabaw sa 79 ka kandidata ug milampos sa paghupot sa korona. Ang first runner-up napadulong kang Yollanda Chimbarami gikan sa Zimbabwe.
Second runner-up si Paola Guzmán Sanchez sa Bolivia, ug third runner-up si Melliza Xaviera Yulian sa Indonesia.
Ang kadaugan ni Abreu giila nga makasaysayanon sa ilang nasud, kay 28 ka tuig pa ang milabay ayha nila nahuptan balik ang korona sa maong indigay.
Sa pikas bahin, ang kandidata sa Pilipinas nga si Myrna Esguerra nakahuman isip fourth runner-up.
Atol sa top 5 final Q and A, wala na kombinsir ni Esguerra ang mga hurado sa iyang tubag sa pangutana nga … “Kung imong ipa-ambit sa imong pamilya ug mga mahal sa kinabuhi ang imong tibuok kasinatian sa Miss International, unsa man imong isulti kanila?”
Gitubag kini ni Esguerra pinaagi sa pagbutyag sa iyang inahan nga nadugangan sa 79 ang ihap sa iyang mga igsoon, gikan sa 16 igsoon sa balay, kundiin ang indigay nagtudlo kaniya sa pagka-ma-unungon, pagtabang sa uban ug paghatag importansya sa pakighigala sa tibook kalibutan.
