CAGAYAN DE ORO CITY-Namumpa na ang bag-ong SK Chairman sa Barangay Indahag human niabot ang desisyon sa Commission on Election (Comelec) nga diskwalipikado ang midaug nga SK niadtong milabay nga eleksyon.
Base sa report, over-age ang unang gideklarar nga mananaug nga si Agustine Racaza Laron, 24, kinsa nakakuha sa 636 boto ug gisundan kini ni Lowen Estrada Pantaleon pinaagi sa iyang 389.
Si Pantaleon ang mihulip kang Laron.
Miingon si Atty Ramil Acol, ang city election officer nga nakanselar ang Certificate of Candidacy (COC) ni Laron hinungdan nga gikonsiderar nga stray votes ang mga nakuha niini nga boto.
