CAGAYAN DE ORO CITY, Philippines – Girekomenda sa kadagkuan sa Bagong Pilipinas Serbisyo Fair ngadto kang Speaker Martin Romualdez nga tukion ang Bagong Pilipinas Bill aron ma-institutionalize na kini.
Gibutyag ni House Deputy Secretary General Mr. Sofonias ‘Ponyong’ Gabonada nga gihimo nila ang rekomendasyon tungod kay nagmalampuson kini ug daghang katawhan ang nakapahimulos sa nagkadaiyang serbisyo nga gihanyag sa gobyerno.
Gawas sa mga serbisyo, nahatagan sab sa pinansyal nga tabang ang mga tawo.
Matud ni Gabonada nga sa maong balaud masigurong magbaton sa igong pondo, magbaton sa insaktong sistema ug magbaton sa insaktong implementasyon sa Bag-ong Pilipinas Serbisyo Fair.
