Na-apektar na sa sobra 4-mil ka pamilya o kapin 17-mil ka residente ang presensya sa bagyong Marce nga nagkuso-kuso sa bisinidad sa Luzon provinces.
Kini human makaduha nang nag-landfall ang mata sa maong bagyo sa Cagayan Valley Province kagahapong adlawa.
Miingon si Office of the Civil Defense spokesperson Edgar Posadas nga hinoon wala pa’y nareport nga dunay mga residente nga namatay,samaron o missing nunot sa bagyo.
Gilauman nga mohidangat ang mga ayuda sa gobierno ngadto sa maong mga pamilya nga napugos paghikling sa mas luwas nga mga lugar.
Hawid pa gihapon sa maong bagyo ang 165 kilometros kada-oras nga kakusog sa hangin ug paghaguros nga anaa sa 275 kph.
Nakatutok ang disaster agencies sa mga probinsya nga nakaisa sa storm signal nos. 1 ug 4 ning adlawa.
Hisayrang milabay’ng semana pa nga gihapak usab sa bagyong Kristine ug super typhoon Leon ang bisinidad nga Luzon nga mikalas daghang kinabuhi.
