Mupahigayon sa Baha sa Luneta 2.0 rally ang grupong ANAKABAYAN sa Nobyembro 30 takdo sa adlaw sa Bonifacio Day celebration sa nasud. Gipalig-on sa grupo ang ilang singgit ug panawagan nga iparesign na si President Marcos Jr. ug VP Sara Duterte ug mapanubag ang tanang nalambigit sa halapad nga korapsyon sa gobyerno. Nagatoo ang grupo nga ang duha ka political colors adunay partisipasyon sa mga iregularidad ug pareho nga nahimong lider sa pagkawkaw sa kwarta sa katawhan. Gibutyag ni Mhing Gomez nga walay malauman nga kaayuhan sa parehong lider, rason nga angayan silang duha nga muhatag na sa ilang resignation.
