Dili muminos sa 45 ka tawo ang namatay ug kapin 100 ang nasamdan tungod sa grabe nga ulan nga nagsugod sukad Marso 25 sa Khyber Pakhtunkhwa province, sumala sa Provincial Disaster Management Authority (PDMA).
Ang kaswalti resulta sa pagkahugno sa mga atop ug bungbong sa lain-laing distrito.
Ang mga namatay naglakip og 23 ka bata, 17 ka lalaki ug 5 ka babaye, samtang ang mga samdan naglakip og 45 ka lalaki, 44 ka bata ug 16 ka babaye.
Labaw pa sa 440 ka balay ang naapektuhan, diin daghan ang hingpit nga naguba.
Nagpahimangno ang PDMA nga adunay laing hugna sa ulan nga gilauman gikan Abril 6 hangtod 9.
Gipangayo sa publiko nga likayan ang dili kinahanglan nga biyahe, labi na sa sensitibo nga tourist areas.
