CAGAYAN DE ORO CITY-Gitakdang himoon ang turnover of command sa tali kang kanhi Police Director Sr/Supt Robert Roy Bahian ug incumbent City Police Director Sr/Supt Nelson Aganon sa Maharlika Heaquarters sa Brgy 40 sa syudad ning semanaha.
Kini human hulipi si Bahian ug gi-assign isip Camp Alagar commanding officer hinungdan nga si Aganon ang gihulip kaniya isip acting city police director.
Miingon si PNP regional spokesperson Supt Lemuel Gonda nga magsilbi na lamang nga formality ang maong turn-over kay pulos na nakasugod sa ilang mga trabaho ang duha nila ka senior officials.
Una nang migawas ang report nga dugay nang tinguha ni PNP regional director C/Supt Timoteo Pacleb nga hulipan si Bahian apan giingong napugngan kaniadto sa Malakanyang.
