CAGAYAN DE ORO CITY, Philippines – Hugtanong gipanghimakak ni Senador Ronald Bato dela Rosa ang akusasyon nila ‘alleged druglord’ Kerwin Espinosa, ug retired police colonel PCSO General Manager Royina Garma nga dunay blueprint ug reward system alang sa mga kapulisan nga makapatay sa mga tigpayuhot sa ilegal nga druga ug druglord ubos sa kanhi administrasyon.
Subay sa labing ulahi nga House Quadrupole Committee hearing gibulgar ni Garma nga nakadawat siyag tawag gikan kang Duterte nga nagpangitag tig-implementar sa summary killings aron hinungusgan ang war on drugs.
Gawas niini, na-implikar usab ang ngalan nila Senador Bong Go ug Dela Rosa nga lakip sa mga nagplano ug implementors sa duguong kampanya.
Sa pikas bahin, padayong gipamugos ni Espinosa ang kanhi presidente nga kaoy arkitekto sa pagduot kang kanhi Senador Leila de Lima isip drug protector hinungdan nga napriso sulod sa unom ka tuig.
