CAGAYAN DE ORO CITY – Gikumpirmar ni Barangay Pigsag-an Kapitan Sonny Rondahan ang duha ka oras nga engkwentro sa 65IB batok sa gituohang armadong kalalakihan nga gituohang sakop sa New Peoples Army sa ilang barangay.
Nagpanic ang mga residente human madunggan ang mga binayluay sa mga buhing bala sa militar batok NPA fighters, usa ka kilometro ang gilay-on sa residential area sa ilang lugar.
Gi-angkon sa kapitan nga daghang residente ang nahadluk ug mibakwit palayo sa ilang balay.
Duha ang samaron sa kampo sa mga sundalo human sa engkwentro.
Una niini, gibulgar ni Kapitan Rondahan nga makapila na sila nagpasa sa resolusyon nga butangan silag army detachment aron maprotektahan sila sa mga rebelde nga magbaras-baras sa ilang lugar aron magrecruit.
Human sa engkwentro namauli na ang mga mibakwit sa maong lugar.
