Dili angay mahadlok ang usa ka tawo kung siya gidakop o gi-inspeksyon nga walay igong basihan o warrant of arrest gikan sa korte.
Sumala ni Atty. Michael Gerard Doroja sa Carrasco and Geñoso Law Office, nakalatid sa Article III, Section 2 sa 1987 Constitution ang katungod sa tanang katawhan batok sa unreasonable searches and seizures.
Gipahayag ni Doroja nga ang balaod naglangkob sa duha ka importante nga bahin. Una, ang katungod sa usa ka tawo nga maprotektahan ang iyang kaugalingon, panimalay, mga dokumento, ug uban pang kabtangan gikan sa walay rason nga pagdakop o pag-search.
Apan, iyang gipunting nga kini nga katungod dali ra usab malapas kung walay husto nga pagsunod sa proseso.
Ikaduha, ang pag-isyu sa warrant of arrest kinahanglan adunay probable cause o igong basihan nga klaro ug konkreto. (James Oliver)
