Gipanigurado ni Senate President Francis “Chiz” Escudero ang pag file sa sugyot balaodnon nga mag dili sa tanang opisyal sa gobyerno, sa nasyonal ug lokal, nga mahimong contractor o supplier sa mga proyekto sa gobyerno.
Lakip niin ang ilang mga paryente hangtod sa ika-upat nga degree sa consanguinity ug affinity.
Kini nga lakang maoy iyang tubag sa hagit ni Presidente Ferdinand Marcos Jr., sa iyang ika-upat nga SONA, diin iyang gisaway ang mga opisyal nga nalambigit sa mga palpak ug korap nga flood control projects nga nagresulta sa grabeng pagbaha ug kadaut sa komunidad.
Giingon ni Escudero nga tataw kaayo ang conflict of interest kung ang mga opisyal mismo o ilang mga paryente ang nag-supply sa proyekto nga ilang gipanag-iya o gipanag-uyon.
Ang maong balaod gituyo aron mapugngan ang padayon nga pag-abuso sa pondo sa katawhan ug aron masiguro nga ang mga proyekto sa gobyerno mahimong transparent, accountable, ug walay bahid sa personal nga interes.
Gilauman nga isulod kini sa listahan sa mga priority bills sa Senado ug hisgutan sa caucus sa mga senador karong adlawa.
