CAGAYAN DE ORO CITY- Iduso ni Cagayan de Oro 2nd District Cong. elect Rufus Rodriguez ang balaodnon nga magtuki sa bersyon sa proposed federal govt draft sa unang adlaw sa iyang paglingkod didto sa Kamarabaha.
Kini bisan nga wala siya ma-indorso ni Pres Rodrigo Duterte pagka-kongresista sa syudad sa 2019 midterm elections.
Miingon si Rodriguez nga kini na ang ensaktong panahon aron matuki sa kamarabaha ang bersyon sa sistemang pederalismo nila ni retired Supreme Court chief Justice Reynato Puno ug PDP-Laban founder Aquilino ‘Nene’ Pimentel Jr.
Kumpiyansa si Rodriguez nga makabaton sa igong suporta ang iyang balaodnon ilabina nga gusto usab sa pederalismo ang katawhan sa Visayas.
Si Rodriguez ang nakig-atbang sa gi-indorso ni Duterte nga si PDP-Laban member Kag Alam Lim.
Apan nagtigbabaw ang boto ni Rodriguez nga 82,692 batok Lim nga 46,861.
