CAGAYAN DE ORO CITY, Philippines – Gitoohang nagsumikad sa upos sa sigarilyo ang hinungdan sa pagdaku sa kalayo sa sunog nga nahitabo sa Promise Land, Buena Oro, Barangay Macasandig ning syudad, kaganinang udto.
Segun sa Bureau of Fire Protection nga gama lamang sa light materials ang partially damaged nga balay.
Unang namahayag ang usa ka Elma Raagas, silingan sa nasunugan, nga posibleng nagsumikad ang kalayo sa upos sa sigarilyo nga gibalay daplin sa nagkatag nga Styrofoam.
Duha ka fire trucks ang miresponde sa area ug kontrolado na ang sunog.
Anaa lamang sa P1,000 ang estimated cost of damage.
Wala pay lead ang mga otoridad sa matood nga hinungdan sa sunog.
Kini na ang ikaduhang sunog nga natala ning adlawa.
