CAGAYAN DE ORO CITY – Moabot sa 300-mil ka pesos ang damyos human masunog ang usa ka panimalay diha sa Purok 2, Brgy Tablon ning syudad.
Si Tablon Brgy Kap Romeo Bacarro miingon nga maoy nasunog ang panimalay ni Jason Tabuñar.
Padayon pang giimbestigaran sa Bureau of Fire Protection ang hinungdan sa pag-ulbo sa kalayo.
Nagpasalamat si Bacarro sa paspas nga pagresponde sa mga bombero hinungdan nga wala na kini mikaylap pa sa laing panimalay.
