CAGAYAN DE ORO CITY – Gihinagbo ni PDEA 10 regional director Atty Benjamin Gaspi si City Mayor Rolando ‘Klarex’ Uy kay gihisgutan nila kon unsaon nga mosaka ang ihap sa kabarangayan nga magsilbing ‘drug free o drug cleared’ sa sunod tuig.
Kini human gitaho ni Gaspi sa mayor nga sobra kaubos ang mga brgy nga nakasunod sa sukdanan aron makuha ang maong sertipikasyon.
Siya miingon nga gisugyot niya kang Mayor Klarex nga gilayong giuyunan usab niini nga magtukod ang city govt sa Balay Silangan Reformation Center alang sa drug pushers ug offenders nga nagbag-o na sa ilang mga kinabuhi.Hisayrang sa 80 ka brgy sa syudad,26 pa lang niini ang ubos sa kategorya nga drug free o drug cleared.
Dugtong niini,tabangan ni City DILG Director Edward Bhagwani ang PDEA 10 nga mapadali ang katumanan sa katukuran sa Balay Silangan Reformation Center alang sa mga tawong naggumon sa illegal nga droga ning syudad.
Kini human naketa ni Bhagwani ang ka importante nga malikay sa gidiling droga ang katawhan ilabina ang kabataan nga seguradong makaguba sa ilang mga kaugmaon.
Gikompirmar sa opisyal nga gikahimamat niini si Gaspi atubangan ni Uy ug ubang anti-drug abuse council alang sa mga programa sa syudad nga pang-alkontra sa illegal nga droga.
