CAGAYAN DE ORO CITY – Gikasubo ni karon City Mayor Oscar Moreno nga gipasirad-an ang provincial hospital sa lungsod sa Balingsag,Misamis Oriental.
Kini human may mga empleyado nga nag-positibo sa coronavirus disease nga naka-isolate na sa isolation facility sa maong lugar.
Miingon si Moreno nga kon maglisod pag-atiman ang local govt unit sa Balingasag sa ilang mga pasyente,andam ang pasilidad sa syudad nga modawat niini.
Si Moreno ang lumad nga-taga Balingasag diin nahimong kongresista sa duha ka termino ug gobernador sa lalawigan ayha napili nga mayor sa dakbayan.
Samtang paghukom sa provincial govt kon nganong paspas nga gipasirad-an ang provincial hospital sa lungsod sa Balingasag,Misamis Oriental.
Kini ang tubag ni Balingasag Mayor Alexis Quina kon nganong temporaryong gitak-upan ang ospital epektibo sa miaging adlaw’ng Biyernes.
Miingon si Quina nga mismo ang provincial govt ang dunay direktang hurisdiksyon sa maong ospital ug igo lamang moabag ang lungsod.
Gipasalig sa mayor nga sila ang motubag sa ubang panginahanglan sa mga apektadong empleyado sa nagsira nga ospital.
Samtang gi-depensa sa kagamhanang probinsyal ang temporaryong pagsira sa usa sa walo ka provincial hospitals nga apektado sa coronavirus disease sa lalawigan.
Miingon si Misamis Oriental Provincial Task Force on COVID-19 spokesperson Atty Jeffrey Saclot nga nasubay sa IATF guidelines ang hukom nga gipakanaug ni Provincial Health Officer Dr Jerie Calingasan.
Gibutyag ni Saclot nga gisirad-an ang Balingasag Provincial Hospital kay gipaubos sa disinfection ug gipailalom usab sa kuwarantinas ang health ug administrative workers sulod sa 14 ka adlaw.
