CAGAYAN DE ORO CITY-Kumbinsido ang kapolisan nga walay foul play sa kamatayon sa amahan nga naghikog gamit ang pisi nga gihikot liog ug giga-id sa punuan sa kahoy sa Brgy Indahag sa syudad kagahapon sa kadlawon.
Giila ang biktima nga si Romelio Nalagon,56 anyos,balo ug nagpuyo sa Oro Habitat Relocation Site sa maong dapit.
Namahayag si SPO1 Niel Polo de las Alas sa Cogon Police Station nga wala sila’y nakit-ang bun-og ug samad sa lawas sa biktima hinungdan nga nagtoo kini nga walay laing tawo nga nagdagmal niini.
Nasuta nga gikan naglipay-lipay ang biktima kuyog ang iyang anak ug mga higala sa dihang sa pagkasayo sa buntag,nakit-an na lamang kining wala na’y kinabuhi.
Hisayrang naglugwa ang report nga naghikog ang biktima tungod kay wala tinggi sa igsoong babaye sa ilang wala pagkasinabot.
