CAGAYAN DE ORO CITY-Gipangita sa kapolisan ang balot vendor nga midunggab patay sa lalaking hubog diha sa dalang Velez ning syudad sa miaging gabii.
Gibutyag ni C/Insp Juluis Clark Macariola,hepe sa Divisoria Police Station nga giila ang biktima nga si Elmer Mirasol, 40 anyos minyo ug residente sa Zone-3 Brgy Bayabas ning syudad.
Napatay sa suspek ang biktima human dunggab gamit ang taas nga hinagiban dihang nalukong sa ilang paglakag.
Gipamatud-an sa mga saksi nga mibatig kalagot ang balot vendor human gikaon sa biktima kauban sa iyang kaninom ang iyang mga balot ug wala’y bayad.
Mismo si Macariola ang nanawagan sa suspek nga mutahan sa ilang buhatan aron pamatud-an nga self defense ang iyang nahimo.
