CAGAYAN DE ORO CITY – Hugot nga seguridad ang gipatuman sa kapulisan sa mga official ballots nga gamiton sa umalabot nga May 13 midterm elections dinhi sa syudad.
Kini human nadawat na sa City Comelec Office ang mga balota ug giturn-over kini sa City Treasurers Office.
Matud ni City Comelec officer Atty. Ramil Acol nga 24 oras ang pagbantay sa kapulisan sa mga balota nga gibutang sa usa ka secured room sa maong buhatan.
Gikomirmar usab ni Acol nga anaa na sa F2 logistics ang mga Voters Counting Machine (VCM) ug ila na lamang gihulat ang go signal sa Comelec-Manila aron gamiton sa himoong testing and sealing karong Mayo 10.
