CAGAYAN DE ORO CITY-Balota gikan sa kauluhan ang gihulatan sa Commission on Elections -10 aron makompleto ang ilang pagpangandam sa Barangay ug SK elections karong Mayo 14.
Matud ni Comelec-10 Regional Director Atty Reynato Magbutay nga mga balota na lang gikan sa central office ang ilang gitagdan tungod kay nahuman na ang ilang gihimong preparasyon.
Ila na usab gipangandaman ang pagsugod sa filing of certificate of candidacy kon CoC karong Sabado, Abril 14 hangtud 20.
Gitin-aw usab ni Magbutay nga adunay katungod ang matag botante nga dili mobotar sa SK elections.
Si Magbutay miingon nga ila gihapong ihulog sa ballot box ang balota nga walay sulod ilabina nga dili na pugson ang usa ka botante nga mobotar sa ilang Sk chairman padulong sa SK Kagawad.
Hisayran nga sa bag-ong SK reforms, mahimong makabotar sa SK ang mga botante nga nagpangidad sa 30-anyos paubos sa 18-anyos.
