CAGAYAN DE ORO CITY – Kabahin na sa gapangita’g mga sulbad sa isyu sa panubig ug haom nga pagdumala niini sa kanasurang Asyano ang tsirman sa Mindanao Affairs Committee sa kamarabaha nga si Misamis Oriental 2nd District Cong. Bambi Emano.
Kini human siya pilia isip aktibong miembro sa Asia National Assembly Water Consultative Board diin gilayong mitambong via zoom meeting alang sa maong katuyuan.
Natahasan si Emano sa bag-ong gimbuhaton subay sa resulta sa iyang nahuptang mga dinagkong tahas sa kamarabaha rason nakaabot na kini sa AAWC.
Namahayag ang kongresista nga dakong kahigayunan nga ikauban ang Asian parliamentarian members aron magpa-ambitay sa best practices sa lehislatura ingon man sa mga balaod kabahin sa panubig.
Sa unang tigom nga naapilan ni Emano sa AAWC, gituki sa Korea Legislation Research Institute o KLRI ang Comparative Legal Analysis on Water Management of the Philippines.
Dugang sa magbabalaod nga haom kini nga katiguman aron makakuha’g maayong mga ideya nga basehan sa pandayon nga mga balaodnon alang sa panubig nga magamit sa tanang panahon sa katawhang Pilipinhon.
