CAGAYAN DE ORO CITY – ‘Dili sayon nga hukom ug desisyon ang nakab-ot sa among pamilya ug sa partidoo Padayon Pilipino.’
Kini ang pipila sa bug-at nga giluwatang pahayag ni Misamis Oriental District 2 Cong. Bambi Emano kung giunsa nila pagdawat nga ituboy isip kandidato pagka-mayor si kanhi City Mayor Oscar Moreno batok incumbent City Mayor Rolando ‘Klarex’ Uy sa syudad sa May 12 elections.
Miingon si Bambi kinsa usa mga anak ni Padayon Pilipino Party founding chairman late City Mayor Vicente ‘Dongkoy’ Emano’ nga miagi sa seryoso nga paghisgot sa pamilya kung angay dawaton ug suportahan si Moreno kinsa dugay’ng panahon nga kontra nila sa politika sukad pa sa Misamis Oriental.
Kini ang rason nga kabahin sa unod sa party convention ang pagtuki nga dad-on nga mayoralty candidate si Moreno diin miani sa makabubuhong nga suporta sa kapartido nga nilangkuban sa mga karaang mga miembro niini.
Siya miingon nga walay bisan usa nga misupak sa nominasyon ni Moreno aron dad-ong pangbato sa gamay’ng partido kontra linya ni Klarex.
‘Walay nagsupak. It was carried and it was approved,’ sulti ni Emano.
Midugang kini sa pagpasabot nga sa sunod niyang pagpahinabi sa weekly radio program niini, iyang ihanyag ang mga rason kung nganong gisuportahan nila si Oca ug kung ngangong angayang subli saligan sa mga botante sa dakbayan.
Miprangka pa kini nga dugay na niya nga pagka-politiko sa lalawigan, nahulagway niini nga intelehenteng mga botante ang nanimuyo sa Cagayan de Oro.
Kini tungod kay kon kinsa kadtong kandidato nga gusto nila modumala sa dakbayan,dili niini igsapayan nga dagha’g salapi ang mga kaatbang ug mabotaran lamang ang ilang gisuportahan.
Ka-tandem ni Moreno si kanhi City Councilor Zaldy Ocon nga grabe usab nga kritiko ni Dongkoy kaniadto aron atbangan ang bando ni Klarex ug re-electionist City Vice Mayor Jocelyn ‘Bebot’ Rodriguez.
Hisayran lauman ang init nga engkuwentro ni Oca ug Klarex pagka-mayor samtang rematch usab sila si Cagayan de Oro 1st District Cong. Lordan Suan ug Carmen Punong Brgy Kikang Uy sa premiro distrito ning syudad.
