CAGAYAN DE ORO CITY – Andam isakripisyo sa pamilyang Emano ang political career ni 2nd District City Councilor Yvy Emano kon gikinahanglan sa 2025 elections sa syudad.
Kini kon maoy mahukman sa partido Padayon Pilipino aron dunay ensaktong line-up nga mobangga sa alyansa nila ni City Mayor Rolando ‘Klarex’ Uy ug Cong. Rufus Rodriguez sa sunod tuig nga piliay.
Kini human milugwa ang hugon-hugon nga ipadaga’g bise-mayor si Yvy aron lig-on ang ilang bando sa partido kontra administrasyon.
Miingon si Misamis Oriental 2nd District Cong.Bambi Emano nga dili na bag-o kanila ang mga paghukom nga dinagko sa politika kon gipangayo sa partido pag-abot sa mga bugnong lugaynon.
Siya miingon nga agdon usab nila ang makab-ot nga hukom ni Cagayan de Oro 1st District Congressman Lordan Suan ang party chairman kabahin sa linyada sa mga kandidato nga ibangga sa Klarex administration.
Sa pagkutlo ning balita, wala pa’y personal nga reaksyon niini ang batan-ong Emano.
Hisayrang apil sa gipilian nga ipa-kandidato pagka-mayor sa oposisyon sila kanhi City Mayor Oscar Moreno;kanhi Phividec administrator Pompee La Viña ug ang bayaw’ng lalaki ni Pres Bongbong Marcos nga si incumbent Phividec administrator Atty. Joseph Bernedo batok sa panon nila ni Klarex ug Rufus.
