CAGAYAN DE ORO CITY – Gidid-an una ang pagsulod sa tanang produktong baboy gikan sa laing mga probinsya pasulod sa Misamis Oriental.
Gilugwa ni Gov Bambi Emano ang kamanduan tungod sa pag-positibo sa presensiya sa African Swine Fever o ASF sa Pilipinas diin daghang mga baboy na ang nangamatay didto sa Luzon.
Gibutyag ni Provincial Veterinary Office head Dr Benjie Resma nga gitukod usab ang task force aron hugot mobantay sa pagsulod sa mga produkto nga naglambigit sa mga baboy gikan sa laing rehiyon.
Hinoon,dili makadaot sa tawo kon makakaon sa karneng baboy nga kontaminado sa ASF apan gisugyot nga likayan na lamang ang pagkunsumo usab niini.
Naglugwa usab si Emano sa kapin gatos-miel pesos nga pondo aron ipaubos sa pagbansay-bansay ang mga syudad ug munisipyo batok sa bahad nga dala sa mga mananap sa ASF.
