CAGAYAN DE ORO CITY-Diriyot maputol ang liog sa usa ka asawa human giluba sa iyang bana diha sa may
Barangay Macasandig ning syudad.
Selos ang motibo kung nganong gipatay sa suspek nga si Salvador Bustamante, 44-anyos ang iyang asawa nga si Marissa Bustamante, 38-anyos ug pulos residente sa Poblacion Quezon, Bukidnon.
Sumala pa sa suspek nga wala na siya kapugong sa iyang kaugalingon human masapon ang iyang asawa sa makadaghang higayon nga adunay laing lalaki nga mao si Aldred Montecillo.
Gipatay sa suspek ang biktima pinaagi sa pagluba niini sa liog nga maoy hinungdan sa iyang kamatayon.
Samtang gipanghimakak sa iyaan sa biktima ang alegasyon ni Bustamante nga adunay laing lalaki ang pag-umangkon niini nga si Bustamante.
Sumala ni Helen Maghinay nga walay kamatooran ang report nga adunay laing lalaki ang iyang pag-umangkon.
Midayo sa syudad ang biktima aron maglabada ug naay ikapadala nga kwarta sa iyang mga anak sa Bukidnon.
Dugtong niini,kasong parricide ang ipasaka sa kapolisan batok sa bana nga miunay patay sa iyang asawa ning syudad.
Matud ni SP02 Glenn Pallugna,imbestigador sa Macasandig Police Station nga giangkon sa suspek ang gihimo niya nga krimen ug wala usab kini misukol sa dihang ilang gisikop.
Ilang ipasaka ang kaso aron madala na sa Lumbia City Jail ang suspetsado.
