CAGAYAN DE ORO CITY – Patay nang napalgan ang usa ka 30 anyos nga amahan human maghikog sa sala sa iyang gipuy-an nga balay sa Zone 9 Malasag Brgy. Cugman ning syudad kaganihang kadlawon.
Giila sa Cugman Police Station ang biktima nga si Paul Oliver Flores, minyo ug lumad nga taga Zamboanga City.
Pisi sa binuhing baboy ang iyang gigamit sa paghikog.
Sa crime scene napalgan ang duha ka suicide note.
Usa niini alang sa 8 anyos niya nga anak ug ang kapikas niini nga iyang gibulagan.
Sa interbyu sa Bombo Radyo sa iyang bayaw, gipamugos ni Ronelo Baclayon nga nakasala ang biktima sa igsoon niini nga OFW sa Singapore.
Nangabit ang biktima ug mibiya sa iyang pamilya.
Pipila ka bulan ang milabay, gibiyaan ang biktima sa iyang kabit ug gustong makigbalik sa iyang kapikas nga OFW.
Hisayran nga wala na dawata sa iyang kanhi kapikas ang biktima hinungdan nga kini naghikog.
