CAGAYAN DE ORO CITY-Grabeng depresyon tungod sa tumang kamingaw sa iyang OFW nga kapikas ang gitoohang hinungdan sa paghikog patay sa usa ka bana sa Brgy Luyong Bonbon,Opol,Misamis Oriental.
Giila ang biktima nga si Ruel Cabanta, 46 anyos,minyo ug molopyo sa maong dapit.Gigamit sa biktima sa paghikog ang kurtina sa paghikot sa iyang liog.
Ulahi na sa dihang nadiskobrehan sa ilang silingan ang paghikog sa biktima kay nakabsan na kini sa kinabuhi sa pagdala sa ospital.
Una niini, gi-angkon sa mga silingan nga kanunay nilang madunggan ang molo sa biktima nga giputol na sa iyang asawa ang ilang komunikasyon 15 ka tuig ang nakalabay ug nag-antos kini sa pagbuhi sa ilang duha ka anak.
