CAGAYAN DE ORO CITY-Problema sa pamilya ang motibo sa paghikog-patay sa usa ka 50-anyos nga construction worker sa Zone 6, Canitoan, Brgy Calaanan ning syudad.
Giila ang biktima nga si Berlin Dablio, bulag sa kapikas ug residente sa maong dapit.
Sumala sa inahan sa biktima nga si Erma Dablio nga kanunay mag-away ang biktima ug ang iyang asawa tungod sa pagka-palahubog niini.
Asoy ni Dablio nga dili ganahan ang asawa sa iyang anak tungod kay magmaoy kini kon mahubog.
Hisayran nga nagpakamatay ang biktima pinaagi sa paghikot sa pisi sa iyang liog.
