CAGAYAN DE ORO CITY – Dili na moduso’g kasong criminal ang pamilyang Napula taliwala sa kamatayon sa ilang padre de pamilya epekto sa dugu-ong disgrasya sa Recto Avenue-Kauswagan Highway ning syudad.
Kini maoy gisaysay sa pamilya sa biktima nga si Christian Napula, 26 anyos nga nagpuyo sa Brgy Pagatpat ngadto sa kapolisan nga gilayong mihimo’g imbestigasyon sa hitabo.
Gibutyag ni Police Cpl Frederik Cajuelan ,imbestigador sa Traffic Enforcement Unit sa Cagayan de Oro City Police Office nga padulong unta sa iyang asawa ang biktima nga nagtrabaho sa Cogon area aron kuhaon apan kusog usab ang dagan sa SUV nga gimaneho ni Toniano Galo nga taga-Camella Homes,Upper Balulang hinungdan sa panagsungag sa duruha.
Dead on arrival nga nakaabot sa ospital ang biktima bisan sa paspas nga pagresponde sa rescue team nga gikan sa dakbayan.
Hangyo sa pamilya sa biktima nga tabangan na lang sila sa obligasyon pagpahiluna sa katapusang pahulayan niini kay dili na kini mosang-at pa’g kaso taliwala sa hitabo niadtong Miyerkules sa gabii.
