CAGAYAN DE ORO CITY – Gibarugan sa bana nga wala miagi sa kamatayon ang iyang kapikas nga unang nadungog nga namatay diha sa Sitio Sugpong,Brgy Indahag ning syudad.
Kini human unang na-comatose ang biktima nga si Elsie Bachenecha tungod sa gihambin nga balatian sa panglawas sa miaging semana.
Miingon ang iyang bana nga si Renie Omilao nga gusto niya ma-estorya kon kinsa ang nagpakatag sa bakak nga impormasyon kay naghatag kini’g dakong kaulawon ug kabalaka sa ilang kabanay.
Una nang nadala sa ospital ang biktima nga walay panimoot ug natabang ra usab sa mga doktor nga nag-atiman kaniya hangtod ning panahona.
Samtang makapamatood si Kap Jocelyn Dahino nga walay namatay nga babaye nga residente nga nagpuyo sa Sitio Sugpong,Brgy Indahag ning syudad.
Miingon si Dahino nga maoy nakaabot kaniya nga impormasyon nga nakabaton sa panimoot ang naka-coma nga biktima sa dihang dunay miigo nga kilat sa ilang lugar sa miaging semana.
Mi-apelar na lamang si Dahino nga ihunong na ang pagkaylap sa mga sayop nga impormasyon aron mahiluna na ang huna-huna sa biktima ug mga kabanay niini.
