CAGAYAN DE ORO CITY– Gihukman sa nagpatoo nga rebeldeng New People’s Army o NPA ang giingong sakop sa bandido nga nalambigit sa nagkadaiyang kremin sa bukirang bahin sa Talakag,
Bukidnon.
Giila ang biktima nga si Lito Atoy,hingkod ang panuigon nga nagpuyo sa Brgy. Tikalaan sa maong lungsod. Sa interbyu sa Bombo Radyo, gibutyag sa usa ka NPA member nga nakuha nila gikan sa posisyon ni Atoy ang mga armas ug ingon man nilibo nga salapi.
Samtang gikompirmar sa militar nga gipatay sa NPA ang usa ka sibilyan ug gipangsunog ang 3 ka construction vehicles sa maong lungsod.
Miingon si 4th ID spokesperson Capt Joe Patrick Martinez nga maoy gidagit ug gipatay sa mga rebelde ang biktima nga si Lito Atoy nga pugsaon gisulod sa pinuy-anan sa maong lungsod.
Gisunog usab sa mga misibat nga rebelde ang usa ka dumptruck,backhoe ug construction mixer.
Gawas niini,gikawat usab sa mga rebelde ang 7 ka motorsiklo kay gihimo nila nga get away vehicles human sa nahitabo.
