CAGAYAN DE ORO CITY-Patay sa aksidente ang ulitawo nga dunay gikabangga nga laing naka-motorsiklo sa highway sa Brgy Gusa sa syudad.
Giila ang namatay’ng biktima nga si Alvin Jay Pamisa, 25 anyos nga nagpuyo sa Purok 2-B, Brgy Gusa ning syudad.
Pauli na ang biktima sakay sa motorsiklo dihang nasugat niini si John Ray Caylan, 35 anyos nga taga- Aplaya, Jasaan, Misamis Oriental hinungdan sa dugu-ong aksidente.
Nagrabehan si Pamisa hinungdan sa kamatayon niini samtang si Caylan ang anaa sa pribadong ospital hangtod ning panahona.
