Nahupay na ang tensyon sa Cagayan de Oro Water District (COWD).
Kini ang gibutyag ni COWD Board Director Dr. Gerry Caño sa pakighinabi sa Bombo Radyo.
Miingon si Caño nga nahuptan na nila ang gipakanaog nga hukom sa Regional Trial Court Branch 41 niadtong Abril 2025, nga nag-ingon nga walay basehan ang “interim intervention”.
Gibutyag ni Caño nga wala na supaka sa interim leadership ang hukom sa RTC, busa nagmalinawon na ang dagan sa operasyon sa ilang opisina.
Gidugang ni Caño nga misang-at pa sa motion for reconsideration ang Local Water Utilities Administration (LWUA), apan gidismis kini sa korte tungod sa kakulang sa legal nga kapasikaran.
Sa pagkutlo ning balita, aduna pay notice of appeal nga gisang-at ang LWUA, apan wala pa masayri kung kanus-a mahimong pinal ang desisyon.
Sa pikas bahin, gikompirmar sa opisyal sa COWD nga nagpadayon ang arbitration sa Singapore International Arbitration Center, tali sa COWD ug Metro Pacific-Cobi, kundiin giandam na sa COWD ang ilang depensa batok sa mga gi-claim sa kompanya.
