CAGAYAN DE ORO CITY – Natumbok na sa kapolisan ang pipila ka persons of interest o POI nga posibleng may kalabutan pagtulis sa bangko diha sa 20-21 Streets,Brgy Nazareth sa syudad.
Kini human lusuba ang lima ka lalaki nga armado sa kalibre 45 nga armas ang CARD SME Bank diin nadala ang dul-ag 55-mil pesos nga salapi ug personal nga gamit sa mga trabahante.
Miingon si Cagayan de Oro City Police Office o COCPO spokesperson Maj Evan Vinias nga gihulat nila ang resulta sa pursuit operation sa mga operatiba sa Macasandig Police Station.
Miingon si Vinias nga maoy gusto ni City Police Director Col Henry Dampal nga masikop ang mga suspek aron mailhan sa publiko ug makasuhan sa salaod nga ilang nahimo kagahapon sa buntag.
