Nagpagawas na sa travel advisory ang Bangladeshi interim government aron malikayan ang pagsulod sa ilang nasud saa bag-ong COVID-19 subvariants, gikan sa mga silingang kanasuran.
Kagahapon, gimando sa Directorate General of Health Services (DGHS) sa Ministry of Health sa mga otoridad ang pagpalig-on sa health screening ug surveillance sa tanang terminal sa bus, pantalan, ug tugpahanan aron mapugngan ang pagsulod sa virus sa Bangladesh.
Segun sa DGHS, ang mga bag-ong subvariants sama sa Omicron LF.7, XFG, JN.1, ug NB.1.8.1 nagsaka ang transmission ilabe na sa India.
Aron malikayan ang pagsulod sa bayrus sa Bangladesh, gimuntar na ang International Health Regulations (IHR) desks sa tanang entry points ug nagpahigayon sa mas estriktong screening sa mga pasahero nga gikan sa mga apektadong nasod.
Ang gobyerno nagmando nga ang mga tawo magsuot sa face mask sa tanang public gatherings, shopping malls, ug restaurants.
Direktiba sa ahensya nga gamiton ang thermal scanners ug digital handheld thermometers aron masukod ang temperatura sa mga pasahero sa tanang entry points
Dugang pa sa DGHS nga kinahanglan siguraduhon ang igong stock sa masks, gloves, ug personal protective equipment (PPE) alang sa mga healthcare workers.
Niadtong Hunyo 5, ang Bangladesh mitala sa unang COVID-19 fatality sa tuig 2025, diin usa ka lalaki namatay sa Dhaka tungod sa maong sakit.
