BANGLADESH – Mohimo’g general election ang katawhan sa Bangladesh.
Kini human bungkaga sa ilang gobierno ang parliamento kay misibat sa wala matino nga nasud si Prime Minister Sheikh Hasina.
Namahayag ang Bangladeshi govt nga angayang may makapuli gilayon sa dapit ni Hasina aron mapadali ang pagbalik sa normal nga kahimtang sa maong nasud.
Sa kasamtangan,gitudlo nga interim government head si Nobel laureate Muhammad Yunus nga dunay pag-uyon ni President Mohammed Shahabuddin.
Una nang naglihok-protesta ang katawhan sa pipila ka palisya sa kanhi primo ministro rason nga napugos kini paghawa sa katungdanan.
Dumduman usab nga nakatutok ang international community nga naglakip sa Pilipinas kay daghang Pinoy workers nga nakabase sa maong nasud.
Hisayrang mitala na sa sobra 300 ka tawo ang namatay sukad natigayon ang lihok-protesta batok sa liderato ni Hasina.
