Nanawagan si Presidente Ferdinand “Bongbong” Marcos Jr. sa katawhan sa Bangsamoro Autonomous Region in Muslim Mindanao (BARMM) sa aktibong partisipasyon sa umalabot nga eleksyon ug misaad sa padayon nga suporta sa rehiyon.
Namugos si Marcos nga ang demokratikong partisipasyon mao ang yawe aron mapalig-on ang responsableng ug “people-centered” nga pamalaod sa BARMM.
Iyang gihangyo ang tanan miyembro sa Bangsamoro nga himoong positibong higayon ang eleksyon isip katumanan sa maayong kaugmaon sa rehiyon.
Gipasabot usab sa Presidente nga ang gobyerno-nasyonal magpadayon sa pagtabang sa BARMM pinaagi sa kalamboan, institusyonal nga kusog, ug dugang nga kalihokan pang-ekonomiya.
Giila niya nga ang kalinaw ug panaghiusa mao ang pundasyon sa dugang nga progreso ug responsibilidad nga kinahanglan nga pagabuhaton sa tanan.
