CAGAYAN DE ORO CITY – Nagkatagbo ang naglangkob sa Regional Joint Anti-Bank Robbery and Cybercrime Coordinating Committee o JABRACC sa Multi-Purpose Hall,Camp 1Lt Vicente Alagar,Brgy Lapasan ning syudad.
Kini sa tuyo nga magkabinayluay sa gitawag nga intelligence,mapalig-on ng operational strategies ug promosyon sa proactive measures alang sa publiko ug pribadong mga asset nga nakabase sa Northern Mindanao.
Nangulo sa katiguman si PRO 10 deputy director for operations Col. Joselito Clarito.
Namahayag si Clarito nga ang maong panagtagbo ang direktiba usab ni PRO 10 Director Brig Gen Jaysen de Guzman aron pagsiguro nga luwas ang tanang establisemiento ilabina sa mga bangko nga peligro sa mga pagpanulis sanglit nagkaduol na ang kapaskuhan ug piliay sa nasud sunod tuig.
Hisayrang dili luwas batok sa mga dinagkong mga pagpanulis ang nagkadaiyang establisemiento sa Northern Mindanao ilabina sa mga bangko sanglit kanhi may mga armadong grupong criminal ang naglihok niini.
