CAGAYAN DE ORO CITY – Natapos nga malinawon ang upat ka adlaw nga pasulot sa sobra 400 ka bar takers gikan sa nagkadaiyang bahin sa Northern Mindanao nga gihimo sa Xavier University ning syudad.
Kini subay sa assessment sa kapolisan kuyog ang mga personahe sa Roads and Traffic Administration o RTA nga maoy naghatag seguridad sa bar takers.
Miingon si COCPO spokeperson Lt Col Evan Viñas nga sukad sa unang adlaw sa pasulit hangtod kagahapong adlawa,walay natala nga kagubot o pagkalda sa labing lisod nga exam alang sa mga mikuha sa kursong abogasiya.
Gisuta pa usab kon sa sobra 400 ka bar examinees kon pila kanila ang nakapalta sa exams kay sa ubang lugar gikataho sa Korte Suprema nga daghan ang naka-absent.
Una usab niini,gidagsa sa klase-klase nga fraternities ug sororities ang kada-exam sa bar takers aron ipaabot ang suporta sa ilang mga kauban.
Dugtong niini,balik na sa normal nga trapiko ang mga sakyanan nga tig-agian sa dalang Hayes sa Brgy 40 ning syudad.
