CAGAYAN DE ORO CITY-Ipukos ni 2016 bar topnotcher Atty Karen Mae Calam sa kalibutan sa corporate law ug taxation kon ugaling sugdan na niini ang law practice dinhi sa nasud.
Kini ang giangkon sa Bombo Radyo ni Calam nga usa usab ka cum laude graduate sa kursong accountancy gikan sa University of San Carlos o USC sa Cebu.
Matud ni Calam nga miabot usab sa punto nga gidudahan na niya ang iyang abilidad apan gilinggawasa niya kini pinaagi sa pagdangop sa Ginoo aron makuha ang dugang kusog.
Kini ang hinungdan nga kon anaa na sa law practice si Calam ang mas gusto usab niini nga mosulod sa adbokasiya nga nag-sentro sa paghatag tabang sa kabus nga katawhan.
Nag-komedya pa kini’g sulti sa Bombo Radyo nga wala na’y laing gipangandoy ang iyang inahan nga si Melyn Calam nga makakuha’g lamang sa hangtod 75 percent passing mark sa bar examinations.
Apan nalipay na lamang gihapon ang kaliwatan ug suod nga mga higala sa pamilyang Calam sa Kalilangan,Bukidnon nga nag-una kini sa listahan giakn sa kapin 3-mil nga bar passers sa tuig 2016.
Si Calam ang kasamtangang nagtrabaho sa auditing firm sa Cebu diin mismo pa ang kanyang boss ang nagpahibalo kaniya nga pasado kini samtang may bank transaction kagahapong adlawa.
